అ: జిలిబిలి పలుకుల చిలిపిగ పలికిన ఓ మైనా మైనా
కిలకిల నగవుల వలపులు చిలికిన ఓ మైనా మైనా
మిల మిల మెరిసిన తార మిన్నుల విడిన సితార (2)
మధువుల పెదవుల మమతలు విరిసిన ఓ మైనా ఓ మైనా
కలలను పెంచకు కలతను దాచకు ఏమైనా ఓ మైనా
జిలిబిలి పలుకుల చిలిపిగ పలికిన ఓ మైనా మైనా
కిలకిల నగవుల వలపులు చిలికిన ఓ మైనా మైనా
అ: అడగనులే చిరునామా ఓ మైనా ఓ మైనా
చిరునవ్వే పుట్టిల్లు నీకైనా నాకైనా
తారలకే సిగపువ్వా తారాడే సిరిమువ్వా (2)
హరివిల్లు రంగుల్లో వర్ణాలే
చిలికిన చిలకవు ఉలకవు పలకవు ఓ మైనా ఏమైనా
జిలిబిలి పలుకుల చిలిపిగ పలికిన ఓ మైనా మైనా
ఆ: ఉరుములలో అలికిడిలా వినిపించే ఈ మైనా
మెరుపులలో నిలకడగా కనిపించే ఏమైనా
ఎండలకే అల్లాడే వెన్నెలలో క్రీనీడ (2)
వినువిధి వీణల్లో రాగంలా
ఆశల ముంగిట ఊహల ముగ్గులు నిలిపేన ఏమైనా
అ: జిలిబిలి పలుకుల చిలిపిగ పలికిన ఓ మైనా మైనా
ఆ: తొలకరి వయసుల మిణుగురు సొగసులదే మైనా మైనా
అ: మిల మిల మెరిసిన తార మిన్నుల విడిన సితార
ఆ: గుడికే చేరని దీపం పడమటి సంధ్యారాగం
అ: మధువుల పెదవుల మమతలు విరిసిన ఓ మైనా ఓ మైనా
ఆ: చుక్కలు అందక దిక్కుల దాగిన నేనేలే ఆ మైనా
అ: జిలిబిలి పలుకుల చిలిపిగ పలికిన ఓ మైనా మైనా
ఆ: తొలకరి వయసుల మిణుగురు సొగసులదే మైనా మైనా
చిత్రం: సితార(1983)
సంగీతం: ఇళయరాజా
రచన: వేటూరి సుందరరామ్మూర్తి
గానం: యస్.పి.బాలు,జానకి
అ : అతడు ఆ : ఆమె
No comments:
Post a Comment