Mata Rani Mounamidi Song From Maharshi

అ:  మాట రాని మౌనమిది మౌనవీణ గానమిది (2)
     గానమిదీ  నీ ధ్యానమిది ధ్యానములో నా ప్రాణమిది
     ప్రాణమైన మూగ గుండె రాగమిది
     మాట రాని మౌనమిది మౌనవీణ గానమిది (2)

అ:  ముత్యాల పాటల్లో కోయిలమ్మ ముద్దారబోసేది ఎప్పుడమ్మ
     ఆ పాల నవ్వుల్లో వెన్నెలమ్మ దీపాలు పెట్టేది ఎన్నడమ్మ

ఆ:  ఈ మౌనరాగాల ప్రేమావేశం ఏనాడో ఒకరి సొంతం
     ఆకాశ దీపాలు జాబిలి కోసం నీకేలా ఇంత పంతం
అ:  నింగీ నేలా కూడే వేళ నీకూ నాకూ దూరాలేలా

ఆ:  అందరాని కొమ్మ ఇది కొమ్మచాటు అందమిది

అ:  మాట రాని మౌనమిది మౌనవీణ గానమిది

ఆ:  చైత్రాన కూసేను కోయిలమ్మా గ్రీష్మానికాపాట ఎందుకమ్మ
     రేయంత నవ్వేను వెన్నెలమ్మా నీరెండకానవ్వు దేనికమ్మ

అ:  రాగాల తీగల్లో వీణానాదం కోరింది ప్రణయ వేదం
      చేసారు గుండెల్లో రేగే గాయం పాడింది మధుర గేయం
ఆ:  ఆకాశాన తారాతీరం అంతే లేని ఎంతో దూరం
అ:  మాట రాని మౌనమిది మౌనవీణ గానమిది
ఆ:  అందరాని కొమ్మ ఇది కొమ్మచాటు అందమిది
     దూరమిది జత కూడనిది చూడనిది మది పాడనిది
     చెప్పరాని చిక్కుముడి వీడనిది
అ:  మాట రాని మౌనమిది మౌనవీణ గానమిది
ఆ:  అందరాని కొమ్మ ఇది కొమ్మచాటు అందమిది

చిత్రం : మహర్షి

సంగీతం : ఇళయరాజా 

గానం : యస్.పి.బాలు, జానకి

రచన: ఆత్రేయ

సంవత్సరం: 1988